Kertur í glugganum
Áhugaverdur leikur verður sýndur í Mentanarhúsinum.
Hósdagin 31. august Kl. 19.00
Ein leikur við íblástri í lívi og arbeiði Dietrich Bonhoeffers.
Framførdur av: Jennifer Henke og Kathleen Ann Thompson
Skrivað og leikstjórnað hevur Kathleen Ann Thompson.
Um morgunin eru allir prestar í Føroyum bjóðaðir til sýningina.
Dagin eftir verður leikurin framførdur fyri næmingunum á Kambsdali.
Tvær kvinnur hittast, sum báar stríðast við sorg, svik, skuld og stillstøðu í tíðini eftir 2. veraldarbardaga. Í báum førum vísir tað seg, at kunnleiki teirra um Bonhoeffer gerst ein týdningarmikil liður í leitan teirra eftir svari uppá torgreiðar spurningar.Dietrich Bonhoeffer var týskur prestur ættaður úr Berlin. Sum avleiðing av at Bonhoeffer var við í einum bólki, ið hevði ætlanir um at taka Hitler av døgum, varð hann dømdur til deyða. Tó hevur lív og arbeiði hansara alsamt hildið fram við at ávirka guðfrøðina, kirkjuna og kristindómin.Atgongumerkir kunnu keypast í Kunningarstovuni í Fuglafirði og í Mentanarhúsinum ein tíma undan framførsluni.
[26.08.2006 – Jóhan Heri Joensen]
