Í allarbesta veðrið varð aftur í ár útigudstænasta annan hvítusunnudag.
Eini 300 fólk vóru í kirkju úti í Guds fríðu náttúru. Fuglafjarðar hornorkestur spældi meðan sungið varð, og Fuglafjarðar sangkór gjørdi sítt til, at henda løtan varð so væleydna sum hon kundi verða.
Miðstaðarlundin er sera vælegnað til slík tiltøk – Her er vakurt, og arena líknandi skapið virkar samlandi, sjálvt um nógv fólk er samankomið.
Sjónvarpið sendir gudstænastuna komandi sunnudag.
