Í hesum døgum er nógv virksemi í Norðagøtudali.Grivið verður út fyri nýggja sentrinum, sum kemur at húsa ymiskum virksemi.
Tað er nógv sum bendir á at Norðagøtudalur kemur at verða sentrum í komandi Norður Føroyum.Tað undrar, at einki verður tosað um tunnil yvir í Skálafjørðin. Hesin tunnil er helst mest skilagóða íløga sum gerast kann í vegakervið í dag. Klaksvíkin – Fuglafjørður og Gøturnar koma við hesum tunnli at hava nógv betri/bíligari (cost benifit)farleið.
Tunnilin kemur at binda Føroyar eystur og vestur/norður og ikki bert ein blind fokusering uppá høvuðsstaðin.Tað sum hendir í Gøtudali í dag er ein staðfesting av fólki sum torir at satsa. Polittikarum sum eiga visiónir, og duga at síggja fram í tíðina, og samstundis eru taktiskt skilagóðir.Tað er mangt sum bendir á, at her í Gøtudali fara framtíðar avgerðir at verða tiknar fyri eystur Eysturoy og kanska øllum eystur Føroyum.
Enn er tað: runa, grót og evja sum myndar Gøtudal. Komandi ár fara visiónirnar at spretta.
Í Føroyum grør seint – – hevur tú tol so sprettur umsíður.
[17.09.2006 – Jóhan Heri Joensen]
