Í dag er fyrsti arbeiðsdagur í 2012. Nógv eru tey, sum kunnu halda fram í tí arbeiði tey høvdu í gamla árinum, men tíverri eru eisini mong runt um í landinum, sum ikki vita sær nakað lønandi virksemi at fara til.
Í Fuglafirði hómast tó ein kærkomin glotti fyri framman.
Arbeitt verður fram ímóti at laksavirkið aftur fer undir framleiðslu í hesi vikuni – møguliga hósmorgunin. Umleið 30 fólk kunnu sostatt í fyrsta umfari koma í støðugt arbeiði. Fyri Fuglafjørð og tey starvsfólk sum aftur kunnu koma í vinnu er hetta ein sonn sólsskinssøga.
